مات الطاغية مشنوق
هذه القصيدة ردا على قصيدة الدعي عباس ابن جيجان في مدح الطاغية المقبور صدام حسين
مات الطاغية مشنوق ويه الفجر
ويه الفجر ، صبح العيد
جبنا للطاغية صديم مثل الخبل
للمشنقة ونضحك على اعدامه
جابوه النشامى مچتف من ورة ومن جدام
هاي حكمتك يازمن ما تنسى الظلم وجور الأيام
لا بد تفرح الأوادم على اعدامك ياصدام
ويه الفجر لديرة الغدر جوه التراب يدفنونه
يم صبحة ام الرجولة ،
يم صبحة ام الرذيلة ،
يم صبحة الما عدهه نسب
صديم الذليل مشنوق واهل تكريت بصفهه يدفنونه
يگول عليك الأعور ابن چيچانه
من عدموك تضحك
تضحك يا مشعول الصفحة
تراها انطوت من تاريخ العراق صفحة
وسقطت ازلام النظام ويه تيجانه
مات الطاغية مشنوق ويه الفجر
ويه الفجر ، صبح العيد
جبنا للطاغية صديم مثل الخبل
للمشنقة ونضحك على اعدامه
لو عندك قملة من الكرامه
جان ما جابوك ويه الفجر ذليل ومجتفه اجدامه
وشيجيب الخسيس الواطي لنخل العراق عالي الهامه
موت الكرف كل قائد يموت بمقصلة
وحبل المشنقة يلفه ويمشي وحتفه جدامه
لك مو هيجي الرجال تموت
هاي الموته يا صديم ما تتمناهه بزونه
جوه بسطال الأجنبي ومن حفرة حقيرة يطلعونه
عمت عين القيادة يقودهه جريدي خاتل بدربونه
مات الطاغية مشنوق ويه الفجر
ويه الفجر ، صبح العيد
جبنا للطاغية صديم مثل الخبل
للمشنقة ونضحك على اعدامه
إبچي على الزمان وابقة إبچي لمن يسكتونك
إبچي على الزمان
وضل إبچي بحسرة گبر بيه يدفنونك
حيف على ماي العراق البيه يغسلونك
نجس انت وبيك ملوث هوه الدنيا
وحيف ما وگعت بيد هالوادم
جان بسنونهم يقطعونك
يا دجلة شلون اصبرت
بمايك ابن صبحة يغسلونه
حيف على التراب شلون بيه يطمونه
فلت من ايد الشعب
وما كو غير بالتيزاب يذوبونه
نوح على اسيادك يا ابن جيجان
واتذكر مصير الأرانب والجربان
وأذكرك شلون الخاين ديرته لسانه يقطعونه
يجي يوم الذليل ، مو بالمشنقة يعدمونه
جوه الرجليين مرافس يكتلونه
تعرف زين شلون يرفسونه ويطگونه
مات الطاغية مشنوق ويه الفجر
ويه الفجر ، صبح العيد
جبنا للطاغية صديم مثل الخبل
للمشنقة ونضحك على اعدامه
ايه والله صدق
للمجرمين
المشانق كلهه تصير، إلهم مقصًلة
وتصير رقاب الطغاة مثل النعاج مدندلة
وتصير جثامين السفلة على الگيعان مهدلة
وتصير الدنية فرحانة ووجوه اليتامى
باعدام الطغاة فرحانة ومهللة
ويقطع رقبتة المجرم حبل
وما يبقي عدهم اصل
ولا يترك إلهم فصل
جنكم ما تدرون
شلون يموت النذل
مات الطاغية مشنوق ويه الفجر
ويه الفجر ، صبح العيد
جبنا للطاغية صديم مثل الخبل
للمشنقة ونضحك على اعدامه
رغد يا رغد لا تبجين
عدموا ابوج اللي عدم بعلج
خلص تاريخ الغدر وخلص فلمج
بس دمعة حزن للميت مسموحه
أبوج انكتب إسمه بمزبلة التاريخ
جهنم ماتلفيه وما يقبل بيه ماي السلق بجدوره
الزمن يشهد للجراب وللغدر
هله ونسبانه وفروخه
ذليل ومنكسر زاحوه
وللمشنقة ويه الفجر جروه
أبله ومشدوه ويفر براسه منا ومناك خلوه
ايديه ورجليه وحبل المشنقة على رقبته لفوه
سنينة لامة محمد وفلم هندي سووه
كل الدنية ، تلفزيونات ، انترنيت ، فضائيات
شگد حلو فلم اعدامك يشوفوه
مات الطاغية مشنوق ويه الفجر
ويه الفجر ، صبح العيد
جبنا للطاغية صديم مثل الخبل
للمشنقة ونضحك على اعدامه
عجل والله يسجل التاريخ
حكمك يا صديم العار وبالنجاسة يكتب حروفه
مو حبل ال على الرگبه طلع ملفوف
اجرام وظلم على الحبل ووساخة ملفوفه
أيه ًحقها العرب تحزن على الراح وتنوح
مصري ويمني واردني تبجي على بعيرهم المجروح
وسوري وتونسي وليبي يردح على النفط وينوح
إذا ً تستاهل عليك ينوح كل أجرب ْ
وكل باغي بحق الشعبْ
ياكل بالحرام ومن ميه يشرب ْ
خل تسمع العربان كلهه وبيا ديرة وبيا مأربْ
مات الطاغية مشنوق ويه الفجر
ويه الفجر ، صبح العيد
جبنا للطاغية صديم مثل الخبل
للمشنقة ونضحك على اعدامه