إلچ وبس إلچ
ألملم بشذرات الروح
وأضمچ بلب العين
وأسد عليج جفن الراح
ونلعب لعب آنه وياچ
وندگ الراح ويه الراح
راحت الچانت إلي شذرة روح
ورويحتهه بنص العين والراح
و شيفيد الشذر والروح لو راحت
من چانت إلي مَن وسلوة من راح
إهناك ادور إعله شذراتچ
وإهنا أدور إعله بقايا الروح والراح
تگلي إرويحتي هوٌنْ تراهي راحت
من چانت إلك سلوة وحب وراح
إشلون ألملم بقايا الروح
وانه إرويحتي راحت ويه الراح
راحت وروٌحت إرويحتي وياهه
وما يصير النوم إلي
بعد اليوم مسك و راح
خل تسحن ارويحتي إبراض
وخل تسحن الراحت إعل الراح
يا حب ويا حبيب الما سحنتٌه الروح
وسوت رويحته أنعم من نسيم الراح
الله يا زمن تراهي گضيت آنه
وصفيت بطرگ النفسْ والراح
بلا فكر وبلا روح ظليت
من راوحت ومن راحتي راح
ضياء السورملي - لندن
kadhem@hotmail.com